September-ah action thriller ‘The Fix’

Iran-set action thriller movie, ‘The Fix’ tih Liam Neeson, Zachary Levi leh Quincy Isaiah-te channa chu kumin September 11 hian tlangzarh a ni dawn. Film director atan Inaugural Entertainment chuan Guy Moshe a ruat a ni.

‘The Fix’ hi a title thlak a nih hma hian ‘Hotel Tehran’ tih a ni. CIA agent hlui rual khat, Afghanistan-a an mission hlawhchham avanga an hmingchhiatna thenfai tuma Iran khawpuia hna hautak leh hlauhawm tak an thawh dan tarlanna a ni.

Director Guy Moshe chuan he film hi insual leh inthahna tarlan mai piah lamah, indonain rilru lama nghawng a neih leh indona avanga thutlukna harsa tak tak siam a tul dante tarlan tuma siam a nih thu a sawi. Action star ṭha tak tak a thawhpui thei chu a lawm thu a sawi bawk.