Hollywood Walk of Fame-ah Bone Thugs-N-Harmony

Hip-hop group lar Bone Thugs-N-Harmony chu 'Hollywood Walk of Fame'-a hmun hlu tak chang ve turin 'star' peka chawimawi turte zingah thlan an ni ve ta. He chawimawina ngaihhlutawm tak hlanna, Nilaini-a neihah khan heng legendary Cleveland bred rap crew-te hi member kimin an inlan thei bawk.

Bone thugs-N-Harmony-te hi 'Class of 2026' puan chhuah rualin tarlan an ni a, he group-ah hian Krayzie Bone, Layzie Bone, Bizzy Bone, Wish Bone leh Flesh-n-Bone te an tel. Anni hi 1990 chhoa melody leh rap mawi tak chawhpawlh thiam, hip-hop khawvel thlaktute an ni a tih theih awm e. Kum 1995 khan 'E. 1999 Eternal' leh 1997-ah 'The Art of War' tihte chu Billboard 200 album chart-ah No 1 an nihpui a ni.

He chawimawina hi an phu hliah hliah tih sawiin, rapper Fat Joe chuan an thiamna leh hla lar 'Tha Crossroads' te chu thil ropui tak a nih thu a sawi a; Ice-T pawhin rap khawvel tana an thawh hlawkzia tarlangin a lawmpui thu a sawi bawk.