World Cup final halftime show perform tur zingah Justin Bieber

FIFA World Cup final halftime show-a perform tur zingah Justin Bieber chu puan belh niin, BTS, Madonna leh Shakira-te nen co-headliner an ni dawn ta.

FIFA leh Global Citizen chuan FIFA World Cup chanchina a vawikhatna atan July 19 hian New York New Jersey Stadium-ah Halftime show hi an buatsaih dawn a ni. Minute 11 chhung hun hman turah hian Burna Boy, Gustavo Dudamel leh PS22 Chorus bakah, Coldplay singer Chris Martin-te an inlan dawn bawk. Hei bakah The Muppets’ Kermit, Miss Piggy leh midang eng emaw zat an inlan bawk ang.

Bieber chuan FIFA World Cup chuan khawvel mipui inlungrualna a thlen thu leh, Halftime show-a a perform tur chu a phur tawh thu a sawi a, khawvel hmun hrang hranga naupangten zirna ṭha an dawn theihna tura hmalak a nih avangin a lawmthu a sawi bawk.