‘The East Palace’ a changtuten press conference nei

Netflix occult fantasy series, ‘The East Palace’ a changtute leh director chuan nimin khan South Korea khawpui Seoul-ah press conference neiin, an project chungchang an sawi zau. He hunah hian actor Nam Joo Hyuk, Noh Yoon Seo leh Cho Seung Woo bakah, director Choi Jung Kyu te an inlan.

Series hi kumin July 17 a tlangzarh tura ruahman a ni. Director Choi Jung Kyu chuan series thawnthu hi Korean folklore behchhana siam a nih thu a sawi. He series hi actor Nam Joo Hyuk-a’n military service a zawh aṭanga a project hmasa ber a ni bawk. Nam Joo Hyuk chuan military service a zawh hnuah filming lama a insawrbing leh nghal thu a sawi a ni.

Noh Yoon Seo chu ‘The East Palace’ hi historical drama genre-a a vawikhat inlanna tur a ni a, veteran actor Cho Seung Woo chu kum thum hnua lemchan lama a inlan lehna hmasa ber a ni bawk.