Liz Meriwether-i’n Britney Spears biopic movie ziak dawn

American writer leh producer, Liz Meriwether chuan Universal-in Britney Spears biopic a siam tur a ziak dawn. He biopic hi Jon M. Chu-a’n a direct dawn a, Marc Platt-a’n a produce dawn a ni.

Biopic hi Spears-i’n kum 2023 October thlaa ‘The Woman in Me’ tih lehkhabu a tlangzarh behchhana siam a ni dawn a, he lehkhabu hi tlangzarh a nih aṭanga a kar khatnaah copy mtd 1.1 hralh chhuah a ni. Kum 2024 August thla khan Universal Pictures chuan Chu leh Platt-ten he feature hi an siam dawn tih an lo puang tawh bawk.

Spears hian ‘secret project’ a neih thu social media-ah a lo tarlang tawh bawk a, producer Platt chuan movie a ngainat zawng tam tak a siam tawh thu leh, a fan-te chu thuthar ngaichang turin a lo ti tawh bawk a ni.