Meta-in thlalak siam theihna thar ‘Muse’ an tlangzarh

Social media lama hmahruaitu Meta chuan an AI thiamna hmanga thlalak siam chawpna thar ber, ‘Muse Image’ chu Nilaini khan an tlangzarh. He thil thar hi an hnuaia AI zirchianna hmunpui, Meta Superintelligence Labs siam chhuah a ni.

Muse Image thar hian thumal awlsam te hmanga thlalak siam mai piah lamah, thlalak hrim hrim pawh mawi zawk leh danglam zawka chei danglamna khawl thar a rawn hmang a; Instagram leh WhatsApp lamah te hman theih tura chhawp chhuah ṭan a ni nghal bawk. AI hmanrua hian thlalak a tak anga fiah leh mawi a siam thei a, Instagram Stories-ah phei chuan 'AI effect' chi hrang 30 chuang a rawn ken tel nghal avangin ṭhalai lemziah leh thlalak ngainate tan chuan lawmna tham a tling ngei ang.

Hmasawnna rual hian hman sual palh hlauhna pawh a lian hle a, mahni ṭhiante Instagram thlalak aṭang ringawt pawha thlalak thar siam chawp (deepfake) a awlsam tawh avangin, mahni lem AI laka ven duhte tan 'settings' lama 'opt-out' hman nghal vat a finthlak ang.