Shakira leh FIFA in Venezuela lirnghing tuarte puihna pe

Zai leh lam thiam, hmelṭha tel bawk Shakira leh khawvel football huanga pawl lian ber FIFA te thawk dun chuan tun hnaia Venezuela rama lirnghing rapthlak tak tuartute ṭanpuina turin USD 500,000 an hlan tur thu an puang .

He ṭanpuina hi FIFA Global Citizen Education Fund kaltlanga pek tur a ni. Shakira chuan thuchhuah siamin, chhiatna rapthlak tak thleng mah se naupangten lehkha an zir chhunzawm reng a pawimawh thu a sawi a, chuvangin he pawisa hi zirlai naupangte leh zirtirtute mamawh phuhrukna atan bik hman a ni dawn a ni. Khawvel ram hruaitute leh mipuite pawh Venezuela naupangte tana ṭanpuina pe ve turin a sawm zui bawk. Heavy metal band hmingthang, Metallica pawhin an foundation, All Within My Hand Foundation kaltlangin USD 100,000 an thawh ve bawk a ni. Shakira hian May thla khan World Cup official anthem, 'Dai Dai' kaltlanga a sum hmuh 100% chu FIFA Global Citizen Education Fund-ah a chhun luh vek tur thu a lo sawi tawh a ni.