Cortis agency-in flight delay phah vangin thupha chawi

South Korean boy group, Cortis agency Big Hit Music chuan Cortis member-te tlai vanga Paris-Seoul flight delay a nih avangin thupha a chawi a, hemi rual hian online lama member-te chungchang eng emaw sawi awm chu thu dik lo a nih thu a sawi bawk.

Big Hit Music chuan nimin khan thupha chawina hi tichhuakin, Cortis member-te chuanna flight-a chuang, passenger dangte laka harsatna an thlen avangin ngaihdam an dil tih an sawi. He thil thlen hun hi June 26 kha niin, France khawpui Paris aṭanga Incheon, South Korea thlawhtheihna chu a thlawh chhuah hun tura tih aia tlaiah a thlawk chhuak a, hei hi he thlawhtheihnaa chuang tur celebrity tute emaw tlai vang tih report a ni. A hnuah Cortis member-te an ni tih hriat an ni leh bawk. An agency chuan airport an pan laiin motor chetsualna thlengin traffic a ti jam a, an tlai phah niin a sawi a, hemi rual hian report ṭhenkhata Cortis group-in passenger dangte dang a, an thawmhnawte an thlak leh phawt nia sawite chu thu dik lo a nih thu a tarlang. Corits hian world tour hmasa ber nei turin an inbuatsaih mek a, July 18-19 hian Inspire Arena, Incheon-ah tour hi an khuh hawng dawn a ni.