Kum 2028-ah 'Shrek' spinoff 'Donkey'

Universal leh DreamWorks chuan 'Shrek' spinoff, 'Donkey' tih chu kum 2028 June 30 hian an tlangzarh dawn tih an puang. Film-ah hian American comedian leh actor Eddie Murphy chuan a aw a thawh leh dawn a ni.

'Donkey' hi Charlie Bean-a'n a direct dawn a, Matt Flynn chu co-director a ni ang. Theatre-a tihchhuah tura tih a nih hmain, Universal leh DreamWorks chuan 'Shrek 5' chu nakkum nipuiah tlangzarh a ni dawn tih an lo sawi tawh bawk. Mike Myers, Murphy leh Cameron Diaz-te chuan an role ngaiah an aw an thawh leh dawn a, Zendaya pawh voice cast zingah telh a ni. 'Shrek 5' hi franchise veteran Conrad Vernon leh Walt Dohrn-ten an direct ang.

'Shrek' original kha kum 2000-ah tihchhuah niin, khawvel pumah USD mtd 500 a la lut tling thei a, animated feature Oscar dawng thei hmasa ber a ni bawk. Kum 2004-ah 'Shrek 2' tihchhuah niin, kum 2007-ah 'Shrek the Third' tihchhuah leh a ni bawk a, kum 2010 khan 'Shrek Forever After' leh 'Puss in Boots' pahnih tlangzarh leh a ni a, sum an lak luh zawng zawng chu USD tld 3 a tling.