Phoebe Bridgers single thar a chhuak

American singer-songwriter, Phoebe Bridgers chuan album thar 'Lost Weekend' a tlangzarh dawn tih a puan tukah album aṭanga a single 'Lost Boys' tih music video chu Ningani khan a tichhuak. He hlaah hian Boygenius-a a bandmate Lucy Dacu leh Julien Baker-te a thawhpui a, hun rei tak aṭanga a collaborator Tony Berg leh Ethan Gruska bakah Jack Antonoff-te nen an produce a ni.

'Lost Boys' music video hi Lance Oppenheim leh Pablo Rochat-te direct a ni. Bridgers album thar 'Lost Weekend' tih kumin August 14-a a tlangzarh tur hi kum 2020 hnua solo album a tihchhuah lehna hmasa ber tur a ni. Bridgers hian kuminah phones-free arena tour a nei bawk dawn a, tun thla hian Madison Square Garden-ah pop-up show a nei bawk ang. America-a tour a neih tur hi September thla hian Indianapolis-ah khuh hawn a ni dawn a, November thlaah Los Angeles-ah a tawp khar a ni ang.