Carly Rae Jepsen-i'n double album tlangzarh dawn

Canadian singer-songwriter leh actress, Carly Rae Jepsen chuan hla 24 awmna double album, 'Day and Night' tih chu kumin September 18 hian Interscope Records kaltlangin a tlangzarh dawn.

Album hi 'Day' leh 'Night' section-ah ṭhen a ni dawn a, hla 12 ve ve a awm ang. He project-ah hian Jepsen hian Tavish Crowe, Kyle Shearer, Nate Cyphert leh Cole M.G.N.-te a thawhpui a ni. Double album aṭang hian single 'On Wires' tih chu Zirtawpni hian a tlangzarh dawn a, kumin September 27-a New York City-a All Things Go Festival-a headline performer a nihna hmangin album hi a tlangzarh dawn a ni. Festival-a a perform tur hi kumina live performance a neih hmasak ber tur niin, Zara Larsson, Lola Young, Brandi Carlile leh Muna te pawh an perform bawk ang.

Jepsen hian kar eng emaw zat liam ta khan social media-ah rimawi lamah a kir leh dawn tih a lo post tawh a ni. Kum 2023 khan a studio album pasarihna 'The Loveliest Time' tih tlangzarhin, nikum khan kum 2015-a a album 'Emotion' chawimawina atan zan khat concert a lo buatsaih tawh bawk.