Harper Bazaar special edition 'BAZAAR STAR'-ah ENHYPEN

South Korean boy band ENHYPEN chu Harper Bazaar Korea special edition thar, 'BAZAAR STAR'-a featured artist hmasa ber atan thlan an ni. Global fashion magazine leh K-pop group lar thawh dunna turah hian conceptual chapter pahnih a awm dawn a ni.

Chapter hmasa zawk hi 'Futurism' tih niin, a pahnihna hi 'Zodiac' tih a ni. Special edition-ah hian member tinte chuan candid interview an nei bawk. 'BAZAAR STAR' special edition hi chi sariha tlangzarh a ni dawn a, group leh mimal cover a awm ang. He an thawh honaah hian photobook pahnih- Bazaar version leh ENHYPEN version a awm dawn a, nimin June 23 aṭang khan pre-order kalpui ṭan a ni a, July 8 hian tlangzarh a ni ang. Digital content dang chu Bazaar official website, Instagram leh YouTube channel-ahte dah a ni ang.