Pentagon-in Alibaba leh Baidu te 'Blacklist'-ah a telh

US Department of Defense (Pentagon) chuan Thawhṭanni liam ta khan China-a tech company lian, e-commerce giant Alibaba, search engine lian Baidu, electric vehicle siamtu lar BYD, leh robot siamtu Unitree te chu China sipaiin a thlawp, ‘Chinese military companies’ tiin an 'Blacklist' ah an telh thar thu an tarlang.

List update-ah hian Pentagon-in Section 1260H hnuaia China sipai ṭanpuitu nia a hriat, US-a sumdawng company a chhinchhiah (blacklist) chu 188 an tling ta a ni. Pentagon chuan heng company te hian China sorkar 'military-civil fusion' kalphung, sorkar sipai chakna tihhmasawnna atana thiamna leh khawl pek chhuahna kawngah an inrawlh thuk hle niin an sawi. Kumin June 30 aṭangin US sorkar (DoD) chuan heng company tarlante lakah hian direct-a thil lei leh inbiakna neih a khap dawn a ni. Mahse, Alibaba leh Baidu te chuan thuchhuah siamin, he thil hi thudik lo leh behchhan awm lo a nih thu leh, sipai nena inzawmna an neih loh thu an sawi ve thung.