WC hla zingah Shakira & Burna Boy 'DAI DAI' mawi berah fan-te'n thlang

Kumin FIFA World Cup pawh nizan khan Mexico City-ah khuh hawnna ropui tak neih a ni ta. Kumin WC hla Shakira leh Burna Boy-te sak ‘Dai Dai’ chu khawvel World Cup hla lo chhuak tawh zawng zawng zinga ṭha berah thlan a ni ta. Billboard-in poll a siamah he hla hian vote 31% chuang hmuin pakhatna a ni thei a ni.

He poll-ah hian kum 35 chhunga World Cup hla lar tak tak chhawp chhuah a ni a, Shakira hla hit bawk ‘Waka Waka’ (2010) chu pahnihnaah a lang pha bawk a, Ricky Martin sak ‘The Cup of Life’ (1998) chu pathumna a ni ve thung.

Reggaetón leh Afrobeat lam hawi taka chawhpawlh ‘Dai Dai’ hian ngaihthlak a hlawh hle a, kumin World Cup thlengtu tur US, Mexico leh Canada-te inlungrualna tarlang thei tura thiam taka phuah a nih bakah, a hla aṭanga hlawkna tlem azawng chu naupang rethei zawkte zirna atana hman a ni dawn bawk a ni.