Jack White-a'n album tlangzarh

American musician, White Stripes band guitarist leh lead vocalist Jack White chuan a solo album pasarihna, 'Frozen Charlotte' tih chu June 10 khan tlangzarhin, North America-ah tour a nei nghal bawk. Album aṭanga a lead single 'Dollar Bill' tih chu Nilaini khan a tichhuak a, kumin kumtir lam khan 'Derecho Demonico' leh 'G.O.D' leh 'Broken Ribs' tihte chu a lo tichhuak tawh bawk a ni.

'Frozen Charlotte' album hi kum hnih hnua White-a'n album a siam lehna hmasa ber a ni. Kumin April thla khan Coachella-ah perform in, Jack Black-a'n Saturday Night Live a host ṭum khan a lo perform tawh bawk.

Hei bakah The Late Show With Stephen Colbert ah final guest niin, kumin kumtir lam khan London-ah art instillation a hawng. White hian North American tour chu July 10 khan Washington, D.C. -a Anthem-ah khuh hawngin, kumin November 21 hian Atlanta-a Coca-Cola Roxy-ah a tawp khar a ni ang.