ṬKP Platinum Jubilee pual Group zaia intihsiakna nei

Mizoram Ṭhalai Kristian Pawl chuan kum 75 an dinchampha pualin, 'Group zai Intihsiak' an buatsaih a; inelna hi chhawng hniha neih a ni. Headquarters Area, Aizawl Area leh Lawngtlai Area ten anmahni Area chhûng ṭheuhah in elna an neih hnuah, June 10 & 11, 2026 zanah BCM Hall, Serkawnah Area tina a ti ṭha zualte'n 'Final intihsiakna' an nei leh ang.

Final zan khatnaah hian an hla duh ber sa in, zan hnihnaah Accapela in Kristian Hlabu ami an hla duh ber an sa ang. Mizoram Ṭhalai Kristian Pawl Youtube Channel ah zan dar 08:00 ah Live a pek chhuah a ni dawn. Intihsiakna lo en pui tûr hian Mizo mipuite MṬKP chuan a sawm a ni.

Group Zai Intihsiaka Unit tel zawng zawng hi 36 an ni a, Final a Intihsiak tûrte chu Headquarters Area-ah unit panga, Aizawl area-ah unit pathum, Lawngtlai Area-ah unit pahnih an tel.