Evanescence album thar ‘Sanctuary’ a chhuak

Khawvel huapa rock leh metal huanga thawm nei lian, Grammy pawh lo dawng tawh Evanescence chuan an studio album parukna, ‘Sanctuary’ chu khawvel pumah an tlangzarh ta, an hla tharte hi music streaming platform hrang hrangah ngaihthlak theih nghal a ni.

‘The Bitter Truth’ (2021) hnua an album tihchhuah leh hmasa ber a ni a; he album-ah hian hla 12 awmin an hla tlangzarh hmasak ‘Afterlife’ chu Billboard Hard Rock Song Chart-ah pakhatna a lo ni tawh ‘Who Will You Follow’ pawh album-ah hian a tel.

Vocalist Amy Lee chuan he album hi kum thum chhung ngunthluk taka an buaipui a nih thu sawiin, fan-ten an ngaihthlak hun a nghahhlelh tawh thu a sawi. Album tlangzarh lawmna pualin June 11 atangin World Tour an ṭan nghal dawn a, Florida-ah an show hmasa ber an nei ṭan ang.