LBS NewLife Clinic hawn a ni

Mizorama sam phunna (hair transplant) hmasa ber LBS NewLife Clinic chu June 6, Inrinni khan Dr Lalrinliana Sailo, Health principal director (rtd) in JL Building, Tuikualah hawn a ni.

Dr Lalrinliana Sailo chuan, "Mizoramah hetiang clinic hi a la awm ngai lo a, hair transplant clinic hmasa ber hawn a ni thei hi thil lawmawm em em a ni," a ti a, ram mipui rawngbawlna leh a mamawhte tan thil ṭangkai a nih theih nan duhsakna a hlan nghal.

Mizo zinga orthopedics specilist hmasa ber Dr Rinliana fanu Dr Lalnunpari Sailo chuan LBS NewLife Clinic hi a enkawl dawn a, amah pawhin ṭhut chilhin a uap dawn a ni.

LBS NewLife Clinic-ah hair transplant bakah hian hriselna kaihhnawih thil dang - physiotherapy, ultrasound, X-ray, endoscopy leh thisen lakna laboratory an bun tel nghal.

Mizorama sam phunna clinic hmasa ber hi hawn a nih hmain mi 20 chuangin an hau lawk a, Aizawl laili Vanapa Hall bul hnaiah awmin zing dar 9:30 aṭanga tlai dar 5:30 thleng dawr theih an ni dawn. A duh tan mobile number 9863513858/9862172037-ah zawh chian theih a ni.