'Hannibal' film pre-production chawl rih

Netflix chuan American director leh film producer, Antoine Fuqua leh American actor leh director, Denzel Washington-te thawhdunna, 'Hannibal' film pre-production chawlh rih a ni tih an puang. Film hi Italy-ah tun nipui hian shooting neih tura ruahman a ni a, Fuqua chu director niin Washington chu Carthaginian general lemah a chang a ni.

Film hi pre-production neih mek niin, budget lamah harsatna an tawh avangin producer-te leh Fuqua bakah Washington leh studio hammer-te chuan an chawl rih dawn a ni. An harsatnate sutkian a nih hunah project hi chhunzawm leh tum a ni bawk. Film hi Oscar winner John Logan script ziah hmangin Fuqua chuan a direct dawn a, Washington hi movie-a a chan bakah Erik Olsen, Adam Goldworm, Todd Black, Clayton Townsend leh Fuqua-te chuan Hill District Media leh Netflix nen thawhdunnain an produce dawn a ni. Executive producer-te chu Scott Greenberg, Kat Samick, Katia Washington, Frank Moll leh Jeremy Lott-te an ni.