Prince album tlangzarh dawn

American singer- songwriter Prince, kum 2016 April 21-a thi ta hla la tihchhuah loh zinga 10 dahkhawmna, 'Timeless' tih album chu Prince Estate-in Sony-a Legacy Recordings an thawhpuinain kumin August 28 hian an tlangzarh dawn. He thu hi a single thar, 'Stone' tih Sandra St. Victor, Tom Hammer leh Jules Van Even-te phuah kum 1995-a record tawh la tihchhuah loh an tlangzarh hnuah puan a ni. 'Timeless' hi D2C-exclusive limited-edition Purple Marble Vinyl, standard black vinyl leh CD-a tlangzarh a ni ang.

Hei bakah kumin hian Prince Celebration chu June 3-7 hian Paisley Park leh Minneapolis-ah neih niin, kumin Celebration-ah hian Prince-a hla ngaihthlakna session, archival presentation leh Prince-a collaborator-te nen inbiakna hun buatsaih a ni. Nimin June 5 khan Minneapolis-a The Armory-ah special event neih niin, he hunah hian NPG, The Revolution-a Bobby Z leh Lisa Coleman bakah midang eng emaw zat an inlan. Minneapolis mayor Jacob Frey chuan June 1-7 chu 'Prince Celebration Week' ah a puang bawk a ni.