Taylor Swift-in 'Toy Story 5' atan hla thar a phuah!

Pop star Taylor Swift chuan, naupang a nih aṭanga a lo ngainat tawh ṭhin Pixar animation hit franchise 'Toy Story 5' lo chhuak tur atan hla thar a phuah thu a puang ta rup mai. A tarlan danin, a hla thar tur hi “I Knew It, I Knew You” tih a ni dawn a, June 5 khian tlangzarh a ni ang.

Swift-i hla thar hi country lam hawi a ni dawn a, he movie-a kan hmelhriat lar 'Jessie' (cowgirl) puala a phuah a ni nghe nghe. June 19-a 'Toy Story 5' chhuah hma hian he hla hi fan-te pualin a hmasa berna turin a tihchhuah a ni dawn a ni.

Hla thar hi a ṭhian hnai tak leh a lo thawhpui ṭhin Jack Antonoff nen an phuah dun a ni a, Swift chuan social media-a a tarlan danin, kum 5 a nih aṭanga 'Toy Story' hmuhnawm lo ti tawh ṭhin a nih avangin, he film tana hla han phuah chu a thil chak ber leh a 'suangtuahna thleng dik' a nih thu a sawi. Single thar hi a duh apiang tan pre-order theih tura chhawp chhuah nghal a ni a, acoustic leh piano version thlengin a awm dawn a ni.