Italy-in Kanye West leh Travis Scott concert khap

Italy thuneitute chuan American rapper, Kanye West leh Travis Scott-te concert neih tur chu security lama harsatna a awm vangin an khap. Prefect Salvatore Angieri chuan kumin July 17 leh 18-a Reggio Emilia-a event buatsaih tur pahnih chu cancel a ni tih puangin, hei hi tualchhung Jewish community-te'n West-a gig titawp tura an ngen vang a ni.

West hi Juda-te huatna, chi inthliarna leh Nazi fakna lam thuchhuah a neih avangin U.K. a a luh pawh khap a lo ni tawh bawk. US rapper hi Travis Scott leh artist dang The Chainsmokers, Rita Ora leh Swedish House Mafia-te nen perform tura tih a ni. Scott pawh hi kum 2021-a Texas, Houston-a Astroworld festival neih ṭuma mi 10, kum kua aṭanga kum 27 inkar an thih avangin nasa taka sawiselna a lo tawk tawh bawk. Hemi ṭum hian mipui pungkhawm an tam avangin mi sang telin hliam an tuar bawk a ni.