BTS leh Samsung-in Las Vegas-ah Fan Activation kalpui

K-pop khawvel thununtu ber a chhal ngam BTS leh South Korea electronic company lian Samsung Electronics te chu an thawkdun leh ta. Tunah hian an fan activation lian tham tak 'Samsung Galaxy x BTS WORLD TOUR Arirang' chu hlawhtling takin an kalpui mek. He thawhdunna hian khawvel hmun hrang hranga an tour neihna hmuna fan-te tan thil thar danglam tak a thlen a rinawm.

Samsung hian an thil siam thar 'Galaxy S26 Ultra' camera chakna hmangin fan-te tan thlalakna hmun hrang hrang paruk (6 touchpoints) zet an buatsaih a ni. He hmun tlawhtute chuan BTS hla thar music video chhuahna hmunah leh milar anga an 'crowd surfing' lai lemte nuam takin thla an la thei a ni.

He hun hlimawm tak hmannaah hian Galaxy AI 'Interpreter' hmanrua hmanga BTS hnena text thawn theihna te, memento atana thlalak chhuak nghâl theihna te siam a ni a, hemi bakah hian activation tihmasa mi 500 hnenah Samsung x BTS bag pek an ni bawk.