Kehlani-i'n world tour neih hun tur puang

American singer-songwriter Kehlani chuan 'The Kehlani World Tour: North America' chu kumin August thla aṭanga October thla tir lamah a nei dawn tih puangin, tour hi ni 33 chhung neih a ni ang.

R&B singer hian tour a neihnaah special guest a nei dawn a, chung zingah chuan Durand Bernarr, Isaia Huron, TheARTI$t leh Waseel-te an tel. Tour hi August 6 hian Minneapolis-a The Armory-ah khuh hawngin New York City-a Barclays Center leh Los Angeles-a Intuit Dome-ah a perform dawn a, October 3-ah San Francisco-a Shoreline Amphitheatre-ah a tawp khar a ni dawn.

Kehlani hian tour concert ticket hralh chhuah apianga USD 1 chu Live Nation-in Kehlani Fund tih PLUS1 a thawhpuinaa a siamah a donate dawn a ni. Kehlani hian kumin April thla khan self-titled album a tichhuak a, Billboard 200 No 4 ah a lanpui thei a, kumina hmeichhe R&B album hralh chhuah hnem ber a ni.