'KPop Demon Hunters' Criterion Blu-ray in chhuak dawn

Netflix animated film hlawhtling, 'KPop Demon Hunters' chuan khawvela film thlan chhuah bik chauh tihchhuahna prestige label, 'The Criterion Collection' a zawm dawn ta. Amazon-ah pre-order theih tura chhawp chhuah tawh niin, kumin December 31 thleng hian pre-order hun hawn a ni a, DVD, Blu-ray leh 4K UHD-te a lei theih dawn a ni.

He film hian khawvel pumah hnuhma lian tak a hnutchhiah a, Netflix original movie-ah thlirtu ngah ber (most-watched) niin, kumin Oscar-ah khan 'Best Animated Feature' leh 'Best Original Song' lawmman a lo dawng tawh bawk. 'Golden' tih hla phei chu khawvel pumah a hit hle.

Maggie Kang leh Chris Appelhans-te direct, Sony Pictures Animation kut chhuak film-ah hian zaithiam rual Rumi, Mira, leh Zoey-te hmangin K-pop thuruk leh demon hrang hrang beihna lam chawhpawlh a ni. Criterion-in 'KPop Demon Hunters' an thlang hi physical media khawvel tana chanchin lawmawm tak a tling.