'Gurugram School Murder' lehkhabu film-ah siam dawn

India-a Matchbox Shots chuan kum 2017-a Gurugram elite school-a inthahna thleng chanchin, crime journalist Leena Dhankhar-i'n 'The Gurugram School Murder' tih a ziah chu film-ah an siam dawn. He thil hi India rama pawikhawihna thleng thubuai lian ber pawl a ni.

Kum 2017 September 8 khan mipa naupang kum 7 mi, Prince tiha hriat chu an school bathroom-ah a hrawka zaina hnuhma nen thia hmuh a ni. Tualchhung police-te chuan school bus conductor chu finfiahna mumal nei loin an man a, hemi hnu hian Central Bureau of Investigation chuan pawikhawihtu diktak,zirlai senior zawkte an man a, hei hi exam sawn hlat a nih theihna atana ti an ni.

Project hi Matchbox Shots-a Dikssha Jyote Routray chuan buaipuiin, he pawikhawihna hian India ram thingtlanga zirlai naupang enkawl an nih dan leh, harsatna an tawh dan rapthlak tak a pholang tih a sawi. Dhankhar pawhin naupang thi ta chhungte rilru natna leh rorelna dik a thlen theihna tura an beihnate tarlanna a ni, a ti.