'007 First Light' video game tlangzarh dawn

'James Bond' franchise behchhana action-adventure video game siam thar, '007 First Light' siam chu vawiin May 27 hian tlangzarh a ni dawn. IO Interactive siam leh tihchhuah a ni a, video game hi Ian Fleming novel leh short story ziah hmanga siam a ni.

Kum 2021-a '007 Legends' tlangzarh a nih hnuah, publisher Activision chuan James Bond video game siam tur hian non-exclusive licence neiin, video game thar hi siam a ni leh ta a ni. Kum 2020 khan 'James Bond' video game thar siam tum a ni tih an lo puang tawh a, nikum June 2025 khan kum 2021-a tihchhuah 'Hitman 3' an siam zawhah James Bond video game production hi an buaipui leh a ni.

'007 First Light' hi PlayStation 5, Windows leh Xbox Series X/S ah a khelh theih dawn a, Nintendo Switch 2 version pawh kumin kumtawp lama khelh theih tura ruahman a ni. He video game hi kum 2012-a '007 Legends' an tlangzarh hnuah 'James Bond' game an tlangzarh lehna hmasa ber a ni.