‘Don 3’ aṭanga a ban thut avangin FWICE-in Ranveer Singh an boycott

Bollywood superstar Ranveer Singh chu Farhan Akhtar-a direct film thar ‘Don 3’ chu sawilawk awm loa a chhuahsan thut avangin Federation of Western India Cine Employees (FWICE) chuan Ranveer Singh chu an boycott (non-cooperation directive) thu an puang.

He film siamtu Excel Entertainment chuan film buatsaihna (pre-production) atana an sen ral tawh Rs vbc 45 la let leh turin Ranveer chu zangnadawmna pe turin an phut bawk. Ranveer hi film shoot ṭan hma lawka a inhnuhdawh thut avangin hna thawktu rual mi 200 chuang hna a khaihlak phah tih Excel Entertainment chuan an tarlang.

FWICE hian thil awmdan sawifiah turin Ranveer hi vawi thum an koh hnuah pawh a inlan duh loh avangin, an member nuai 4 chuangte chu Ranveer-a film-ah thawk tawh lo turin thupek an chhuah ta a ni.