China Box Office No 1 ah 'Dear You'

China box office chart tharah Jinant Film & TV’s family drama, 'Dear You' chu No 1 ah awmin, a kar linaah RMB mtd 309.4 (USD mtd 45.5) a la lut tih Artisan Gateway chuan a tarlang. Lan Hongchun direct niin, Li Sitong leh Wang Yantong-te an chang a ni. Sum an lak luh tawh zawng zawng chu USD mtd 158.1 a ni.

Pahnihnaah Disney-a 'Star Wars' universe film, 'The Mandalorian and Grogu' awmin, film hian kar hmasa chhung khan China-ah USD mtd 5.3 a la lut. Suspense thriller 'Vanishing Point' chu pathumna niin kar hmasa chhung khan USD mtd 3.2 lak luh belhin sum a lak luh tawng zawng zawng chu USD mtd 67.4 a tling. Palinaah romantic comedy 'Be Yourself' a awm a, kar hmasa chhung khan USD mtd 1.1 la lutin, sum lak luh tawh zawng zawng chu USD mtd 10.9 a ni. Momo Pictures kutchhuak romantic comedy, 'Crossing a Dawn' chu panganaah niin USD 700,000 a la lut.