Stray Kids-in music festival buatsaih dawn

South Korean boy band, Stray Kids chuan Latin America-ah music festival 'STRAYCITY' an buatsaih dawn tih an puang. He music festival hi Columbia, Argentina leh Mexico-a neih tur niin an band chu headline an ni dawn a, South Korean leh Japanese boy band NEXZ-te an perform bawk ang.

'STRAYCITY' hi kumin September-ah neih ṭan a ni dawn a, show neihna tur pawh puan belh zel a la ni ang. An agency JYP Entertainment chuan he event danglam tak hi mi tupawhin an chhim thei dawn tih sawiin, band member-ten an thiamna leh theihna an la pholan loh pholanna platform a ni dawn tih an tarlang. He festival hmang hian Stray Kids chuan an fan-te nen inpawhna ṭha zawk an siam dawn tih an sawi bawk. An band hi Brazil leh New York-a 'Governor's Ball Music Festival' neih turah an perform bawk dawn a ni.