'The Adventures of Sena' en theih ta

Mizo animation movie 'The Adventures of Sena' tih chu Runmawi Application-ah en theih turin chhhawp chhuah a ni.

He movie-ah hian mipa naupang Sena’n a zinkawngah Mizo thawnthua character hrang hrang - Chhurbura, Mawngping khaw ho, Rimenhawihi, Keimi leh Mauruangite a tawn dan ngaihnawm leh hlimawm tak takte tarlan a ni. Animator leh director hi Jonathan Thangeo a ni a, script hi Mafaki Fanai ziah niin, sound hi F Lalramnghaka (Allen Home Records) leh Ramdinpuiate kutchhuak a ni. Runmawi App hi co-sponsor an ni bawk.

Film-a awm thawhtu zingah Zoramchhani (Mauruangi), Jenny Jathang (Rimenhawihi), Kip Crossing (Captain Thomas H Lewin), Chhurbura (Thangṭhuama) leh main character John-a (Sena) te an tel. Movie OST 'Si-a Nen' tih hla hi Ben OPA phuah niin, Esther Hnamte chuan a sa a, YouTube-ah view mtd a nei tling tawh. A music video hi Osiama Pictures kutchhuak a ni.