BTS-in debut anniversary lawm dawn

South Korean record label, BigHit Music chuan nimin May 21 khan June 13-a Busan Asiad Main Stadium-a 'BTS WORLD TOUR ARIRANG IN BUSAN' concert ni hnihna chu 'BTS WORLD TOUR ‘ARIRANG’ IN BUSAN: LIVE VIEWING' tih hmangin khawvel puma theatre hrang hrangah live-a pek chhuah a ni dawn tih a puang. Hei hi official-a BTS debut anniversary lawmna a ni tih a sawi bawk.

Concert neih tur hi BTS-in Busan Asiad Main Stadium-a kum thum leh thla riat hnua concert an buatsaih lehna hmasa ber tur a ni. Concert screening event hi ram 80 chuanga theatre 3,800 velah pek chhuah a ni ang. South Korea-ah chuan fan-ten concert hi multiplex cinema lian hrang hrang; CGV, Lotte Cinema leh Megabox kaltlangin an en thei dawn a ni. North America leh Europe-ah chuan ni khat emaw ni hnih hnuah concert screening hi an en thei thung ang.

BTS hi karleh Thawhṭanni zana sem tur 52nd American Music Awards-ah an inlan dawn bawk. An perform bakah category pathum artist of the year, song of the summer, leh best K-Pop artist-ah te nomination an hmu. Kum 2021 khan AMA 'Artist of the Year' an lo dawng tawh a, 2022-ah 'Favorite K-Pop Artist' an dawng bawk. AMA hi 11 an dawng tawh a, Alabama dawtah group anga award dawng tam pahnihna an ni.