Tupac estate leh Daz Dillinger inkar a khi

Hip-hop khawvela mi langsar, Tupac Shakur-a album hlawhtling ber pawl 'All Eyez On Me' chungchangah buaina a chhuak thar leh ta. He album-a hla tam tak siamtu leh producer langsar Daz Dillinger chuan Tupac-a estate (rokhawmtute) chu hla hralhna aṭanga a chanvo (royalties) pe ṭha loah puhin court-ah a khing.

Daz tarlan danin, kum 1996-a chhuak album-a hla hit tak tak ‘Ambitionz az a Ridah’ leh ‘I Ain’t Mad at Cha’ kha a kutchhuak a ni a, kum 2024 khan USD 91,000 chu pek ni tawh mah se, hei hi a chan tur dik tak a nih a rin loh avangin chiang zawka 'audit' kalpui a phut a ni.

Buaina hian Death Row Records hun laia hruaitu Suge Knight nena inhmuhthiam lohna an lo neih tawhte a rawn tithar leh a; Dillinger hi a hma pawhin Snoop Dogg te nen pawh hla neitu nihna chungchangah an lo inbakkaih tawh ṭhin bawk. Tupac-a nu Afeni Shakur nena an lo inbeihna pawh a reh hlei thei lo. Tupac a thih hnu kum 30 dawnah pawh rosum chungchangah court-ah inhnialna a la chhuak reng a ni.