The Beatles-in museum hawng dawn

English rock band, The beatles chuan nakkumah gig an neihna hnuhnung ber leh, album recording hnuhnung ber an tihna, Mayfair building-ah official-in museum hmasa ber an hawng dawn tih Thawhṭanni khan band member Paul McCartney chuan a sawi. Museum hi "The Beatles at 3 Savile Row" tih a ni dawn a, chhawng sarihah an archive material leh an band member paliin kum 1970-a 'Let It Be' album an record-na basement studio pawh dah tel a ni ang.

Museum tlawhtute chuan kum 1969-a performance ropui tak an neihna rooftop pawh an tlawh thei dawn a ni. Kum 83 mi, McCartney chuan Apple Corps nen an thawh dunnain he museum hi siam a nih thu a sawi. Company hian kum 1968 aṭang khan Savile Row building hi leiin kum riat chhung an enkawl a, kum hnih chhung band headquarters atan hman ṭhin niin,kum 1970-a band an kehdarh hnuah sumdawnna atan hman a ni.