Slipknot purcussionist M.Shawn Crahan lung zai dawn

Khawvel huapa 'Nu-metal' band lar, Slipknot purcussionist, Shawn 'Clown' Crahan chuan a lung (heart) lamah harsatna a neih avangin zai a ngaih thu a puang. He thu hi Rick Rubin podcast, Tetragrammaton-ah a sawi chhuak a, a dinhmun hi a ṭha lo hle tih a hriat.

Kum 56 mi, Crahan chuan an tour hnuhnung ber zawh hnu khan a lungphu a dik lo tih a hrechhuak a; "Ka lung hi a phu lo zeuh zeuh ṭhin a, zai ka ngai dawn a ni. A chang chuan hna thawk thei lo khawpin ka chau a, ka thi mai dawnin ka hre hial ṭhin," tiin a harsatna tawh dan a sawi.

Slipknot hi kum 1995-a din an ni a, Crahan hi an band dinna atana thawktute zinga la dam chhun a ni bawk. Tunah hian band member-te hi an tour chawlh lai a ni. Metal ngaina ṭhalai tam tak chuan Crahan chanchin hi an bengkhawn hle a, hriselna ṭha tak neia stage-a a lo let leh thuai an beisei.