Ariana Grande-i'n hla thar tichhuak dawn

American singer-songwriter leh actress, Ariana Grande chuan a studio album pariatna tur 'Petal' aṭangin single 'Hate That I Made You Love Me' tih chu May 29 hian a tichhuak dawn tih a Instagram-ah post-in, a hla phuah tawh zinga a ngainat ber a nih thu a tarlang bawk.

He hla hi thawhpui a nei tawh zinga a ngainat ber, Ilya leh Max Martin-te nen an produce a ni tih a tarlang. Ilya leh Martin-te nen hian a album hnuhnung ber 'Eternal Sunshine' ah an lo thawk ho tawh a ni. 'Petal' album-ah hian Grande leh Ilya-te chu executive producer leh co-writer an ni a, Republic Records kaltlangin kumin July 31 hian tlangzarh a ni ang.

Ilya hi Swedish-Persian producer a ni a, Martin nen hian kum 2024-a Grande album, 'Eternal Sunshine' ah lo thawkdunin, Taylor Swift leh Sam Smith bakah artist dang eng emaw zat a lo thawhpui tawh bawk a ni.