Mexico-a World Cup 2026 opening a perform tur a hriat ta

Khawvel mit fukna ber tur, FIFA World Cup 2026 chu June 11 khian Mexico City-a 'Estadio Banorte' (Estadio Azteca) stadium-ah ropui taka hawn a ni dawn ta. He hunah hian khawvel huapa zaithiam lar tak takte an thawk chhuak dawn a; Maná, J Balvin, leh Alejandro Fernández te chu a hmahruaitu turte an ni.

Latin rimawi mai piah lamah, South Africa chhuak Tyla leh Venezuelan star Danny Ocean te pawh hmuh tur an awm dawn. Opening ceremony-ah hian 'sound & colour' hmanga khawvel hmuha Mexico mawi zia lantir tum a ni. World Cup 2026 hi ram pathum - Mexico, Canada, leh USA ten an thleng dawn a, a vawi khatna atan ram 48 an inel dawn a ni. Match hmasa berah Mexico leh South Africa an inhmachhawn dawn. Khawpui 16-ah inkhel dawn a, final chu July 19-ah New York-ah khelh a ni ang.