Dua Lipa-i'n Samsung khing

English singer-songwriter Dua Lipa chuan electronic manufacturer, Samsung chu a remtih puina ni lo leh, hlawh pawh pe loin a hmel lanna thlalak chu TV hralhna atan an hmang nia puhin USD mtd 15 chawi turin a khing. He thubuai hi Central District of California-ah thehluh a ni. Zirtawpnia complaint a theh luhah hian Samsung chuan nikum kumtir lam aṭang khan Lipa thlalak chu TV packaging cardboard-ah an hmang tih a tarlang. Lipa chuan a thlalak chu hmang tawh lo turin ngenna a siam tawh bawk.

Lipa chuan a hriatpuina ni loin consumer product pakhat marketing campaign-ah a thlalak hman a ni tih a thubuai thehluhah tarlan a ni. Thubuaiah chuan Samsung hian an product chu a fak hle anga lantir a ni a, hemi hmang hian hlawkna tam tak an tel tih tarlan a ni bawk. Complaint-ah chuan Lipa hian kum 2024-a Austin City Limits Festival backstage-a a thlalak an hman chu copyright neitu a ni tih tarlan a ni. Complaint-ah hian copyright bawhchhiatna, California right of publicity statute bawhchhiatna, federal Lanham Act claim leh trademark claim-te a awm nia sawi a ni. Hemi chungchangah hian Samsung chuan thuchhuah an la nei lo.