No Doubt-in Las Vegas residency nei ṭan

American rock band, No Doubt chuan May 6 zan khan Las Vegas residency nei ṭanin, show 12 an nei dawn. An band member Gwen Stefani, Tony Kanal, Tom Dumont leh Adian Young-te chuan nikum October thla khan Las Vegas residency-ah hian show vawi ruk an nei dawn tih an lo sawi tawh a, hemi hnuah May thla tawp thleng show vawi ruk an neih belh dawn tih an puang leh a ni.

Las Vegas residency an buatsaih thei chu lawmawm a tih thu Stefani chuan sawiin, Dumont pawhin an fan, kum tam tak lo support tawhtute tana an perform leh thei chu thil ropui tak a nih thu a sawi. No Doubt Sphere residency hi Coachella 2024-a headline performance an neih aṭanga kum eng emaw zat liam hnuah buatsaih niin, kum 2015 hnu lama an band an perform ho lehna hmasa ber a ni. Hei bakah nikum January thla tir lam khan Los Angeles-a Kia Forum-a FireAid benefit concert-ah an lo perform tawh bawk.