CNN dintu Ted Turner-a sulhnu ropuite

Media mogul Ted Turner, CNN channel dintu chu kum 87 mi niin May 6 khan a thi. A thih chhan tak hi tarlan a ni lo a, mahse kum 2018 September thla khan Lewy body dementia a vei tih hriat chhuah a ni a, a natna hian a thil hriatrengna leh a taksaah nghawng a nei nia sawi a ni.

Turner hian sulhnu ropui tam tak a nei a, kum 1980 khan chanchinthar puanna, Cable News Network (CNN) a din a, Cartoon Network din bawkin 'Captain Planet and the Planeteers' kha a siam a ni. United Nations Foundation dinna atan USD tld 1 a lo donate tawh bawk. Professional sports team te din bawkin, heng zingah hian Atlanta Braves pawh a tel.

Kum 1991 khan Time Magazine chuan Man of the Year atan a puang a ni. Kum 1997-a United Nations-in chawimawina an hlan hnuah, a hausakna hmun thuma ṭhena hmun khat chu organization tan a hlan a ni. Kum 2002 khan ama ramah eco-friendly restaurant, Ted’s Montana Grill a din a, kum 2010 khan ram acre mtd 2 a nei tawh a, kum eng emaw chen U.S.-a ram nei ngah ber niin, a hnuah Liberty Media dintu leh hotu John Malone-a'n a rawn khum a ni. A hun hnuhnung lam hi Bozeman, Mont bula a ram acre 113,000 a zau ranch-ah a hmang a ni.