Fan-te duh ber Madonna ft Carpenter 'Bring Your Love'

Billboard-in rimawi chhuak thar aṭanga fan-te duh ber thlanna a buatsaihah kar hmasaa tihchhuah thar 'Queen of Pop' Madonna album thar tura a leading track 'Bring Your Love' chu fan-te duh ber a ni. Artist ngaihven hlawh tak tak Bella Poarch, Zara Larsson leh Kacey Musgraves te'n rimawi thar tichhuak ve mah se Madonna leh Carpenter thawh dunna hi tluk zo an awm lo.

"Bring Your Love" hi Madonna album thar ber tur Confession II a hla niin fan-te vote aṭangin 88.99% vote a hmu tling a, kumina poll kaltlanga vote percentage hmu tam ber a ni pha. Pahnihnaah TikTok aṭanga khawvel ngaihven hlawh chho Bella Poarch hla thar 'Ribcage' awmin vote 4.01% a hmu a, No.1 nen an inthlau hle. Pathumnaah Zara Larssonhla thar 'Midnight Sun: Girls Trip' chu vote 3% a lang ve bawk.