Race to Erase MS Gala-ah Snoop Dogg

American rapper, singer leh record producer, Snoop Dogg chu kumin June 5-a Fairmont Century Plaza, Los Angeles-a 33rd Race to Erase MS Gala neih turah a perform dawn. Race to Erase MS Gala hi kum 1993 khan Nancy Davis din a ni a, Multiple Sclerosis natna enkawl leh tihdam kawnga hma la tura duan a ni. Gala hian an foundation-a Center Without Walls program a pui dawn a ni.

Snoop Dogg chuan LA-a MS Gala-a mi tam tak ṭanpuina tur leh, midangte tana hna pawimawh tak thawhnaa a perform tur chu a phur tawh thu a sawi. Multi-platinum recording artist leh entrepreneur Snoop Dogg hian studio album 22 tichhuak tawhin, khawvel pumah record mtd 40 chuang a hralh tawh bakah Grammy Award-ah vawi 20 nominate a lo ni tawh bawk. Kumin gala-ah hian Disney Entertainment Television Communications EVP Naomi Bulochnikov-Paul chu Medal of Hope hlan a ni dawn bawk.