'The White Lotus' ah Laura Dern chang dawn

American actress Laura Dern chu Helena Bonham Carter-i'n 'The White Lotus' show a chhuahsan aṭanga ni khat liam hnuah season thar lo awm turah a chang dawn tih puan a ni. Season lina hi France chhimlamah filming neih ṭan tawh niin Cannes Film Festival neih chhungin tihchhuah a ni bawk ang.

British actress Bonham Carter hi 'Harry Potter', 'A Room with a View', 'The Wings of the Dove', 'The king's Speech' leh 'The Crown' hmangtea hriat lar a ni. Kar hmasa khan HBO thupuangtu chuan season lina filming neih ṭan a nih thu a sawi rualin, Mike White-a character siam Helena Bonhman Carter erawh set nen a in mil lo tih a sawi. A role chu ngaihtuah ṭhat leh a nih hnuah siamṭhat a ni a, a changtu pawh thlak a ni, a ti. HBO, producer-te leh Mike White chuan Bonham Carter an thawhpui tawh lo tur chu pawi an tih thu leh, project dangah an thawhdun leh theih an beisei tih an sawi.

'The White Lotus' hi drama hlawhtling tak niin Emmy Awards ṭhahnem tak a dawng bawk a ni. Hawaii, Italy leh Thailand-a chan a nih hnuah season lina hi French Riviera-ah chan a ni. Shooting hi kumin May 13 aṭanga 24 thleng neih chhunzawm tura ruahman a ni.