HUNTER/X voice actor ten Billboard 'Women of the Year' dawng

Netflix animation series, KPop Demon Hunters a fictional girl group, HUNTER/X a aw thawhtu bakah hla phuahtu ni bawk hmeichhe pathum EJAE, REI AMI leh AUDREY NUNA-te chuan Billboard 'Women of the Year' chawimawina sang Nilaini khan an dawng.

HUNTR/X hi khawvel pumah 'Pop Cultural Icon' an ni mek a, an hlawhtlinna hian rimawi khawvelah thil thar a rawn chhawp chhuak a ni. An hla hit 'Golden' hi Netflix film lar 'KPop Demon Hunters'-a hman a ni a, he hla hian Billboard Hot 100-ah kar 8 chhung zet hma a hruai. Academy Awards (Oscar)-a 'Best Original Song' ah K-pop hla zinga lawmman la hmasa ber a ni a, Grammy-ah pawh chawimawina an lo dawng tawh bawk.

EJAE chuan chawimawina an dawnnaah hian Asian hmeichhia an nih avanga hmuhsitna leh harsatna an tawh ṭhinte a sawichhuak a; harsatna tam tak karah an hnam nihna thup loin, huaisen taka an aw an chhuah avangin khawvel hian a ngaihven ta niin a sawi. Hei hian talent neite tan hnam leh pianzia chu kawng daltu a nih loh zia a tichiang hle.