TikTok-in 'BookTok Bestseller' puang

Tunlai ṭhalaiten lehkhabu chhiar an intihhmuh chho leh mek a, social media platform lar TikTok chuan lehkhabu hralh tam leh hit zual thlang chhuakin 'BookTok Bestseller List' chu a vawi khatna atan a tlangzarh. List hi NielsenIQ BookData nena thawk duna an siam a ni.

List-ah hian 'Romantasy' Romance leh Fantasy inpawlh genre-in hmun a luah hneh hle a, a ziaktu pawh hmeichhe hlang deuh thaw niin Chloe Walsh chuan hmun a luah hnem ber a ni. A lehkhabu lar 'Boys of Tommen' series chu chart-ah hian an lang a, he series hi film-ah pawh siam tura ruahman mek a ni bawk. BookTok hian lehkhabu chhuak thar chauh ni lo, lehkhabu hlui tawhte pawh a vaw hit thar leh. Donna Tartt ziak, kum 1992-a chhuak daih tawh 'The Secret History' pawh he chart-ah hian a rawn lang leh hlawl. Hei hian ṭhalaite'n lehkhabu dawr emaw, thuziakmite thlan chhuah emaw aiin social media-a an ṭhiante leh 'creator' dangte recommend an ngai pawimawh zawk tih a tilang awm e.

Marketing lam thiamte chuan lehkhabu khawvel tana 'game changer' a nih thu an sawi a, publisher-te pawhin BookTok-a lehkhabu hit-te chu an ngaihpawimawh phah hle. Mahse, mi thiamte chuan social media hi momentum petu a nih rualin, lehkhabu hlawhtling tak ni tur chuan a chhung thu a ngaihnawm a ngai a, traditional marketing-te pawh a la pawimawh reng thu an sawi.