Drake-a'n 'Iceman' album tlangzarh hun tur puang

Canadian rapper leh singer, Drake chuan a studio album pakuana, 'Iceman' chu kumin May 15 hian a tlangzarh dawn tih a puang. Drake hian kum 2024 khan social media-ah 1986 American action drama film, 'Top Gun' a Val Kimer character 'Iceman' chungchang lo tarlang tawhin, hemi hnu hian folder '2.0 - Iceman' tih screenshot chu a pholang leh bawk. A album thar tur hi kum 2023-a full-length solo album, 'For All the Dogs' a tihchhuah hnua album a tlangzarh lehna hmasa ber tur a ni.

Drake hian nikum July thla khan YouTube-a a livestream, 'Iceman Episode 1' ah album a tlangzarh tur thu hi a sawi. He livestream-ah hian hla eng emaw zat preview na hun neiin, chung zingah chuan 'What Did I Miss?' tih pawh a tel a, he hla hi a tukah a tlangzarh zui nghal a ni. Livestream dang pahnihah hla leh instrumental tlangzarhin, chung zingah chuan Central Cee nen an thawhdunna 'Which One' leh Julia Wolf leh Yeat nen an thawhhona 'Dog House' pawh a tel.