Miss Multimedia (People's Choice) dawng tur la chiang lo

Sub-title zinga pakhat, social media lama huhang ngah 'Miss Multimedia' bik chu Grand Finale-ah result puan a ni thung dawn a, he title dawngtu hi Top 10-ah direct entry in a lut thei dawn a ni.

Contestant zingah social media-a engagement, reach leh activity lam nei tam ber hnenah Miss Multimedia sub-title hi hlan a ni ang. Tehfung atan hian social media platform - Miss Mizoram Instagram page, Zonet Facebook page, Zonet YouTube Channel, leh contestant-te IG account te hman a ni. Grand Finale neih ni, zan dar 7 thleng data lak a ni ang.

Miss Multimedia (People's Choice) sub-title dawng thei tur hian contestant pathum - Vanlalṭanpuii, Miss Mizoram Serchhip; Saitluangpuii Sailo, PUC & Chanmari, Aizawl; leh R. Lalhmingchhuangi, Tuithiang, Aizawl te an inum chho mek a; mahse, an pathum pawh hian inlehpel thei vek an la ni a, winner tur sawi lawk theih a la ni lo. Hei vang hian an fan-te tan pawh social media account lamah ṭan kan lakpui a,an thil post-te pawh kan ngaihven leh kan react a ngai viau dawn a ni.