'Zo sa sati' movie a en theih ta

Mizo film thar, 'Zo sa sati' chu nizan dar 7 khan Vanapa Hall-ah tlangzarh a ni. Lersia Play-ah en theiha chhawp chhuah nghal a ni bawk.

'Zo sa sati' film hi comedy leh romance inpawlh a ni a, a changtunu ber Zovi chu sa sat a eizawng niin, an khuaa puanṭhuina dawr hawng thei hmasa ber nih chu a tum ber a ni. Harsatna hrang hrang paltlangin puanṭhuina dawr a hawng thei ta a, a lo hmangaih em em ṭhin Hranga nen intawng lehin, buaina leh harsatna khirhkhan tak chinfel tur an neihte an hmachhawn dan chungchang tarlanna a ni.

Movie ziaktu hi Saeme-a niin, The Friday Show Production movie hmasa ber 'Call girl' ziaktu tho kha a ni. Movie-ah hian mi nawlpui hriat lar sa, Tarpilu lam channel tihmuhnawm em emtu Zovi, Rinkson squad lama kan hriat lar Lalmuana character changtu Bt-a, YouTuber Edison-a pa, actress Msi hmar te an chang. Film director hi Zovi niin Sawma Renthlei chu asst director a ni a, producer chu Tetea Khiangte a ni.