ENHYPEN-in Spotify stream tld 7 nei

South Korean boy band ENHYPEN chuan global music streaming lian ber pawl, Spotify-ah an catalog pumpui chuan stream tld 7 a nei tling ta. He an hlawhtlinna hi April 12 khan puan niin United States-ah an hla ngaithlatu an tam ber. April 9 thleng khan stream 7,001,161,149 an nei tling tawh a ni.

ENHYPEN hian Spotify-ah an hla, nitina stream an neih zat pawh a pung zel a, ni 28 liam ta chhung khan chawhrualin nitin stream mtd 6.08 nei ang an ni. Kum 2020-a an debut aṭanga July 2023 thleng khan ni khata an stream neih aiin an stream record hi a let thumin a pung tawh. An hla zinga stream ngah ber chu an mini-album palina, 'DARK BLOOD' title track 'Bite Me' niin, stream mtd 500 a nei tling ṭep tawh. An hla hit dang 'FEVER' leh 'Drunk-Dazed' te pawhin stream mtd 400 an nei tling tawh a, an hla pali chu 100 million club-ah an tel tawh bawk. Tun dinhmunah straem mtd 100 nei tling hla 13 an nei tawh.