Lehkhabu bawm: Prof. Sangkima lehkhabu ziah tlangzarh

Prof. Sangkima lehkhabu ziah pahnih, 'Pentikos ni aṭanga vawiin thlenga Catholic kohhran chanchin' leh 'Catholic kohhran Pathian biakna atana Latin ṭawng dang hman phal a nih dan leh ṭawng lehlin chungchang leh a kaihhnawih dangte' tih chu nimin khan Dawrpui Multipurpose Centre, Dawrpuiah Aizawl Bishop Most Rev. Stephen Rotluanga'n a tlangzarh.

Govt Aizawl West College leh Govt Aizawl College principal hlui Prof. Sangkima hian Commission for Canon Law and other Legislative Texts Conference of Catholic Bishops of India hnuaiah Diploma Course 'Canon Law for Synodal Church' a zo a, nimin khan a lawmna hun neih nghal a ni bawk.

Tlangnuam pa Sangkima hi South Sabual khuaa piang a ni a, Catholic chhungkuaa seilian a ni. Tuna a lehkhabu pahnih ziah chhiar telin Sangkima hian ama pualin lehkhabu pariat a ziak tawh a, sap ṭawnga ziah pathum leh Mizo ṭawnga ziah panga a nei tawh a ni